Begirada honetan, 2026ko urtarrilaren 1ean EAEn erroldatutako atzerritar jatorriko biztanleriaren datuak aurkezten ditugu, Estatistikako Institutu Nazionalak (EIN) argitaratutako errolda-datuen behin-behineko aurrerapenaren arabera.
Hala, begirada honetan, eguneratu egin ditugu 2025eko otsailean argitaratutako 95. begiradan aurkeztu genituen datuak.
Datuek erakusten dutenez, atzerritar jatorriko biztanleriak gora egin du lurraldean, eta biztanleria osoaren % 15,1 dira. Horrela, aurreko urteetan erregistratutako hazkunde-dinamika finkatu da, urteko 20.000 pertsona inguruko igoera garbiekin.
Laburbilduz
- 2024an 7.729 nazioarteko babes-eskaera erregistratu ziren Euskadin. 2025eko urriaren 31n, 6.141 eskaera zenbatu ziren, eta horrek 2022az geroztik ikusitako pandemiaren ondorengo aldiko joera berresten du.
- 2023an Euskadin nazioarteko babesa eskatu zuten hamar pertsonatik bederatzi (% 92,3) latinoamerikarrak ziren, batez ere Kolonbiakoak, Venezuelakoak eta Nikaraguakoak, 5.720 eskaerarekin. Atzetik daude, alde handiz, Europar Batasunekoa ez den Europa (% 2,8), Magreb (% 2) eta Afrikako beste herrialde batzuk (% 1,2) eta Asia (% 1,1).
- 2023an egindako eskaeren % 40,2 ukatu egin ziren Estatuan. Venezuelaren kasua nabarmentzen da oraindik ere, kasu horretan % 93,8k arrazoi humanitarioengatik lortu baitzuten bizileku-baimena.
- Euskal gizarteak jarrera irekia eta solidarioa izaten jarraitzen du nazioarteko babesa eskatzen duten pertsonekiko; izan ere, 2024ko Barometroaren arabera, % 93,7 harreraren alde dago.
