Begirada honen bitartez, atzerritarren ondorengoak diren eta Euskadin bizi diren 0 eta 24 urte bitarteko gazteen egoera aztertuko dugu. Horretarako, azken Biztanleria eta Etxebizitza Erroldak, 2011n eginak, emandako datuak erabiliko ditugu, eta honako gai hauek aztertuko ditugu: lehenik eta behin, biztanle multzo horri buruzko egitura-datuak EAEko hiru lurraldeetan, kopuruak, adina, sexua eta nazionalitatea aintzat hartuta; eta bigarrenik, atzerritarren ondorengo diren gazteen eta bertakoen arteko alderaketa, hezkuntzaren, lanaren eta etxebizitzaren arloei erreparatuta.